Doondh ke oos paar

hindu aur muslim samudaey ke beech  rekhaein kheenchanae balee neetion ko badlana hoga

By

Daya Sagar

Aaj jammu Kashmir mein yeh kehna bahoot kathin hai ki kaun aam admi ki samajik aur dharmik  bhawnaon avam masoomiat se khel rahaa hai. Rajneeti ke satta paksh mein  baethae log bhi ab jis tarah se  aeyae din vaktabay detae hain oos se eis riasat ka bhalaa toe kam hota hai, par  bharat virodee aur alagaabbadi shaktion ko jaroor bal milta hai.

Jab bhi mein jammu Kashmir ke Vishay par kush likhna shooroo karta hoon toe har baar merae samnae ek hi prashan khada ho jata hai ki kab  bharat ki se judae log jammu Kashmir ki peeda ko vote ki rajneeti se  opar ooth kar mehsoos karnae ki koshish karein gae. Jammu Kashmir ke logoan ko aur kab tak conventional netaon par ashrit rehna padae ga , yeh bhi ek vichar karnae yogay Vishay hai.

Ho sakta hai kush logoan ko yeh mannae mein kathnayee ho, par yeh aaj ke din ek kattu satya hai ki jammu Kashmir rajay ke log aaj samajik, rajinitik aur bowgolik (geographical) darishti se  sankaon mein dastae jaa rahae hain. Esa lagta hai ki Jo Riyasat 1947 ke pehlae ek sangathit smooh ki tarah dikhtee thee bo aaj kahin samajik aur bowgolik str par bikhar na jayae. Rajneeti karnae balae toe apnae swarth ke leeyae  janta ko neglect kar saktae hain par jab buddee jeevee aur chintan karnae balae log bhi Vishay vaastu se parae ho jaein toe chinta ka badna swabhabik hi hai.

Aksar jeh dosh lagaey jatae hain ki dilli mein baethae logoan ne kabhi jammu Kashmir riasat ko shaee dang se jananae ki koshaish nahin ki aur jeadatar Vishay geyaan jo jammu Kashmir ke barae mein log rakhtae hain oos ka adhaar Kashmir ghati ke netaon aur buddee jeveon dawara ki geyae veeyakheya hi hai. Eis prakaar ke dosharopan mein tab jaroor sachayee dikhtee hai jab  satta mein baethae aur Congress ke netaon ki baat toe door , bo log bhi jo jammu Kashmir rajay ki bigdee sthtee ke leeyae congress aur Nehru ko doshee karar detae hain   jammu Kashmir ke barae mein nagdeek se jannae ki koshish kartae nahin dikhtae.

Esee 27^th August ko Times Now TV Channel par ek charcha mein bjp ki rastriyae spokes person smt meenakshi lekhi bhi baethee theen ( jin ki ginti aaj achchae vishleshakaon mein hotee hai)  par jab oonhoan ne yeh kaha ki J&K mein Kashmiri pandits ko minority status dena chahiyae  toe oon ke Vishay geyaan par merae jaesae vayaktee ko hairanee hona ( mein taras nahin kahoon ga ) sawabhik  tha. Meenakshi jee ki maang ko dekh koyee  yeh nishkarash neekaal sakta hai ki J&K Rajay mein agar koyee hindu rehta hai to bo sirf Kashmir Pandit hai. Agar Meenakshi jee sirf Kashmir Ghati ki baat kar rahee theen toe oon ko geyaat hona chahiyae ki  bahaan Kashmiri brahmanaon ke elaaba aur bhi hinduoan ki jateeaan hain jo sankhaeya mein Kashmiri pandits se bhi kam hain. Yeh bhi arop lag sakta hai bo Kashmir gahti ke migrant ki baat sirf Hindu vote ko dekhtae huyae kar rahee theen. Esee prakaar ke rajneetik drishteekon ki bajah se hi aaj  23 saal baad bhi Kashmir ghati se badee sankheya mein 1989 ke baad  beghar huyae log aaj bhi ghati ke bahar hain jab ki  kush rajneetik dal pichlae do dashkaon se  Kashmir ghati se huyae palayan ke virrodh mein aawaj oothatae rahe hain. Eis prakaar ki aaproach se kush log jammu Kashmir mein bhayee  charae  ke tanae-banae ko oodaednae mein sheyog kartae dikhtae hain.

Ho sakta hai rashtriyae rajneetik daloan ke neta  eis prakaar ki batein apnae sthaniyae satheeon dwara dee geyee soochanaon ke adhar par kehtae hoan, par eis se bo adhoora Vishay geyaan honae ke aropoan se bach nahin saktae. 

Agar  Meenakshi jee jaesae BJP ke kush log  Kashmiri Pandits  ( keon ki oonhoan ne Hinduoan ki baat nahin ki ) ko J&K mein minority status denae ki baat eis leeyae kartae hain ki bo Kashmir Ghati ke“mool” neebasee hain  toe pehlae BJP ke ein netaon ko Kashmir Gahti ko ek alag rajay bananae ki maang saaf shabdoan mein rakhnee chahiyae. Yadee aesa nahin hai to phir BJP ke shirsh netaon ko Meenakshi  jee ki maang se apnae ko saaf shabdoan mein alag karna chahiyae. Aaj ki sthetee ko dekhtae huyae shayad J&K rajay ko badae bharee man se Jammu State  ( Jammu praant of 1947 times ) aur Kashmir State ( Kashmir kashtra) mein baant kar avam bharat par oothtae geyae  prashnaon ko Kashmir ghati tak seemit kar ke hi jammu Kashmir kea am nagrik ko mansik trasdee se bahar neekala ja sakta hai.

Jammu Kashmir Riyasat mein pichlae 20 saloan mein kabhi bhi aesa ehsaas nahin huyaa ki jammu kashetra mein hindu aur muslim ke beech gehree dararein pad rahee hain aur bharat virodee tatv  apnee jadein faela rahae hein.  Jammu Kashmir kee door daraaj eelakoan mein bahoot sankheya mein muslim samudayae ke log rehtae hain aur  ein elaakaon ke logoan ko jab dharam ke naam par doosaroan se alag karnae ki koshish ke sabhee paryaas vifal hotae jaa rahae thae toe Kashmir ghati kendrit kush logoan ne aur alagabbadion ne  ein logoan ko Chenab Valley ya Pir panchal Smooh ke naam par alag karnae ke paryaas shooroo kar deeyae. Kashmir gahti ke kush samachaar patroan mein ein elaakoan ka oolekh Chenab valley jaesae smabodhanaon se shooroo ho geyaa hai. Yahaan par yeh oolekh karnae yogay hai ki  Jammu Kashtra ke Doda, Kishtwar, Ramban, Udhampur, Rajouri ke door daraj ke muslim bahul eelakaon mein attankbaad Kashmir ghati ke saath hi shooru ho geyaa tha, ein eelakoan mein hinduoan ko chun chun kar aur muslmanaon ko virodh karnae par  berehmi se attankbadion ne neeshana baneya, par ein eelakoan mein sadbhavna  ki kadeeaan(links ) ootnee kamjor nahin huyee aur log oon eelakoan mein banae rahae ( migrate nahin huyae). Par  rajneeti karnae balae jaal mein fanstae chale geyae aur aaj yeh stheetee ho geyee hai ki Chadambram ji ko 12 August ke din Rajay Sabha mein Jammu Kashmir ke Kishtwar kasbae mein 9^th August ke din shooroo huyee hinsa  aur oopdravoan ko hindu aur muslim samudayae ( na ki do samudaon  ) ke beech kush muslim samudaey ke logoan dawara rashtra virodee / azadi ke narae (slogans)  laganae ke baad huyae takraab ka nateeja hona saaf shabdoan mein kehna padaa. Aur yeh sab kush Eid ke pawan parv ke din huyaa tha. Yeh kisee bhi veecharak ke leeyae atee chinta ki baat honee chahiyae. Bharat Virodee, 1947 ke J&K ke bharat mein Vilay Virodee aur Pakistan samarthak toe chahtae hi hain ki jammu Kashmir mein jo andolan aur maangein Kashmir Ghati kendrit rahae hain kisee tarah se J&K ke poorae muslim samudaey ka chehra le lein. Eis leeyae jammu Kashmir ke barae mein dilli mein satta mein baethae logoan aur sabhi rahstriyae dalaon ko J&K ke barae mein apnee ab tak ki neeteon ko badlna hoga.

jammukashmir ke mukhay dhara ke kahae janae balae netaon  par aaj ke din sab se badee jeemaedaree yeh hai ki agar  bo jammukashmir ka hit Bharat mein dekhtae hain toe bharat Sarkaar aur rashtra par  seedeh ja aprataksh   arop lagana band kar dein aur alagabbadion aur samaj virodee tatboan  ko prajit karnae ke leeyae neyee neetian banaein.

Jo log apnae ko Kashmiri migrants ka shuvchintak samajatae hain oon ko Kashmir migrants ko ghati mein bapis le janae ke leeyae  shanti aur sadhwavna  ka vatavaran paeda karnae ka kaam karna chahiyae na ki hindu aur muslim samudaey ke beech aur rekhaein kheenchanae ka. Yeh Kashmir ghati ke hit mein bhi hoga ki bahaan ke mukhaydhara ke neta  ab  baad veebadh ki rajneetee ko nakaar dein aur  oon tatboan  ke virod mein sab se mil kar khadee ho jayein jo jammu Kashmir reyaasat ke logoan ko ab dharam ke naam par bantna chahtae hain ja Kashmir ghatee  ko bharat se alag karnae ja alag dekhanae ki koshish mein lagae hain.

(Daya Sagar: social activist & Sr columnist on Kashmir affairs dayasagr45@yahoo.com  9419796096)